Voss Cup 2025 er fullteikna
Jubelen står i taket, og me er heilt satt ut av den store interessa for Voss Cup 2025! To veker etter me opna påmeldinga nådde me 675 påmeldte lag. Tusen takk til alle som har meldt seg på, hugs at påmeldinga ikkje er gyldig før påmeldingsavgifta er betalt.
Til dykk som ikkje har fått plass; fortvil ikkje. Ein kan fortsatt melda seg på, då hamnar ein automatisk på ventelista. Av erfaring veit me at ein del lag vil trekka seg, og då slepp me fortløpande inn lag frå ventelista. Me oppmodar alle som har meldt på fleire lag i same klasse, om å raskt få ein oversikt over antal spelarar. Ver rask med å melda av lag dersom de ser at de ikkje kjem til å klara å stilla med nok spelarar, slik at lag frå ventelista kan sleppast inn.
Her i Voss Cup-administrasjonen er me både takknemlege og audmjuke over årets respons. Me tar ikkje lett på oppgåva det er å levera ein barnefotballcup med kvalitet i alle ledd. Det skal jobbast hardt fram mot juni slik at Voss Cup 2025 vert uforgløymeleg.
