Stor skogbrannfare, bål- og grillforbod ved kommunale bygg

Det er tørt og varmt vêr, og me ber alle vera svært varsame med grilling og bruk av open eld under Voss cup. Det er svært tørt i terrenget, og det er veldig lite som skal til før det tek fyr i vegetasjonen.

Grunna den store skogbrannfaren har Voss herad lagt ned forbod mot grilling og bruk av open eld ved alle heradet sine bygningar under Voss Cup helga. Det vert hengt opp plakatar på alle bygga, og det er viktig at alle respekterer dette.

Men om du ikkje kan grilla akkurat der de bur, er det sjølvsagt grillmat å få tak i. Me kan varmt anbefale grillkotelettar, pølser og alt anna godt i grillkiosken vår.