Turneringsleiar Hallgeir Finbråten

Strålande nøgd med tidenes Voss Cup

Voss Cup 2023 er den største, både i omsetning, tal på lag og tal på deltakarar. Turneringsleiar Hallgeir Finbråten ser strålande nøgd utover fotballbanane der dei siste kampane i årets Voss Cup vert spelt.

– Me er sjølvsagt spente på førehand når me inviterer så mange, og det er klart at vêret har hjelpt oss. Men alle som har vore her har oppført seg veldig fint, og ser ut til å ha hatt det veldig bra. Det er også gledeleg å sjå at forbodet mot grilling og bålbrenning er respektert, seier Hallgeir Finbråten.

– Eg har aldri fått så mange spørsmål om når neste Voss Cup er som denne helga. Eg veit også at fleire hotell alt har fått bestillingar til neste års cup. Neste års Voss Cup er 14. til 16. juni, og alle er velkomne!

Frivillig innsats ber cupen

I løpet av Voss Cup har 612 frivillige vore i aksjon. Hallgeir Finbråten er imponert over denne innsatsen, spesielt i ei tid der mange rapporterer om sviktnade dugnadsvilje etter koronapandemien.

– Det er dei frivillige og dugnadsinnsatsen som ber heile Voss Cup. Så eg vil retta ei stor takk til alle som har stått på for å arrangera Voss Cup. Det er imponerande at så mange har bidratt, seier han. Som også retter ei stor takk til alle sponsorane til Voss Cup.

Voss Cup 2023 i tal

Årets utgåve av Voss Cup er den største nokon gong. Det viser også tala. 726 lag med ca 7000 spelarar har spelt 1445 fotballkampar. Tal frå salet av mat og drikke viser også at det har vore mykje folk på Voss: