Dugnadsvakter
Lurar du på kva som passar deg best av dei ulike dugnadsvaktene på Voss Cup?
Under finn du ei enkel skildring av dei ulike vaktene. Dersom du har spørsmål eller kjenner at du er klar for større eller andre oppgåver, ta kontakt på vosscup@fbkvoss.no
Vårt dugnadsmottak vert ope heile veka før Voss Cup, her kan ein koma innom for å henta t-skjorte, registrera seg og få svar på spørsmål om dugnaden.
Banevakt
Banevakt er i hovudsak kampvertar med tilhøyrande stillingsskildring. Dei skal vera ei tryggleik for dommarar og laga. Nærmaste kontaktperson er leiar i dommarsekretariatet. Som banevakt har ein ansvar for fotballar og vestar, og ein skal vera ekstra merksom på at dommarane på dei ulike banane har det bra. Ein vil vere på samband med dommarsekretariat slik at det er lett å melde i frå om det skulle oppstå situasjonar som ein føler treng meir merksemd. Merk at banevakt skal ha låg terskel for å gripa inn dersom det oppstår uønska situasjonar. Meld alltid tilbake til dommarsekretariatet om ufine episodar. Ei banevakt vil føregå ca. slik:
- Møt på oppsett tidspunkt i dommarsekretariatet
- Få utlevert nødvendig informasjon og utstyr
- Gå til ditt område og finn banevakten som er der (så lenge du ikkje har fyrste vakt). Ta ein kjapp gjennomgang før du tek over ansvaret.
- Gå vakta di
- Vaktskifte: gjennomfør vaktskifte og gå i dommarsekretariat med vest og eventuelle andre innspel/tilbakemeldingar
- Siste vakt: Gå over banane – samle saman alle ballar og anna ustyr – ta dette med tilbake til dommarsekretariatet.
Ca. dugnadstimar: 5 timar
Buss
Buss er avdelinga som står for transport av deltakarar under Voss Cup. Me har to ulike system for dette:
- Shuttlebuss (her leiger me sjåførar)
- Bestilling av buss til overnattingsstader
Bestilling av buss til overnattingsstader
Dei som bur på overnattingsstadar som ikkje er på ruta til shuttlebussen eller i gåavstand til cupområdet har mulighet til å bestilla buss. Til dette har me to minibussar og ein 9'setar. Sekretariatet under Voss Cup handterere bussbestillingar i forkant og under cupen. For å kunne ta på seg vakt på buss må ein ha førarkort på minibuss og sjåførkort. Oppmøte i sekretariatet.
Må ha: førarkort og sjåførkort
Ca. dugnadstimar: 5 timar
Fotballkort
På denne avdelinga produserer og sel me fotballkort med bilete av deltakarane. Ein fotograferer, får opp bileta på data og redigerer lett før ein skriv ut. Her er det god opplæring når ein kjem på vakta, og som regel fordeler ein dei ulike oppgåvene slik at ein har ansvar for anten: kø, betaling, sjølve bilete eller utskrift. Me held til i 2.etasje i Vossabadet, og her er det også oppmøte til vakt.
Ca. dugnadstimar: 5,5 timar
Mat & Servering - Grillen
Grillen ligg på den store parkeringsplassen mellom Utebassenget og Voss Idrettshall. Hovudoppgåva til grillen er å laga og selja grillmat. Tidvis veldig hektisk, men systemet er godt og du vil bli ivareteke av drevne personar under heile vakta. Dei fyrste vaktene fredag, laurdag og sundag inneber klargjering av grillen, inkludert sal. Midtvaktene er produksjon og sal. Dei siste vaktene inneber i tillegg til sal, nedrigg og klargjering til neste dag. Siste vakt sundag vil i hovudsak vere nedrigg. Ei vakt i grillen ser ca slik ut:
- Oppmøte i Grillen.
- Ein blir som regel satt til ei oppgåve – ein kan få vere med å påverke kva oppgåve ein vil ha. Det vil vere overlapping med dei på vakta før, slik at ein får tid til å kome inn i det.
- Nokon har hovudansvar for matlaging, medan andre vil ha hovudansvaret for kasse og sal.
- Det vert nytta Zettle som betalingsløysing. Trykk inn på ipaden dei varene som det skal betalast for, vel så betalingsmåte – VIPPS, bankkort eller kontantar.
- Kjem det folk på vakt etter deg, må du driva opplæring før du går av vakt.
- Veldig viktig at siste vakt fredag og laurdag tek seg tid til å reingjere, rydde og setje i stand til neste dag.
Ca. dugnadstimar: 5,5 timar
Mat & Servering - Kiosk
Kioskane er plassert på ulike delar av området og varierer i størrelse. Det er fleire ulike vakter i løpet av ein dag, og opningstidene varierer noko på dei ulike kioskane. Dei fyrste vaktene fredag, laurdag og søndag inneber klargjering av kiosken inkludert produksjon og sal. Midtvaktene er produksjon og sal. Siste vakt fredag og laurdag inneber i tillegg til produksjon og sal, nedrigg og mest mogleg klargjering til neste dag. På sundag går store delar av vakta med til nedrigg. Merk at ein kan verta flytta frå ein kiosk til ein annan dersom det er behov for det. Ei vakt i kiosken er ca slik:
- Oppmøte i den kiosken du er satt opp på.
- Rask opplæring. Det er ca 30 min overlapp.
- I kioskane har ein som regel: hot dog, vafler, is, kaffi, brus, vatn + litt anna snacks.
- Det er folk som har ansvaret for å fylle på varer i kioskane.
- Me nyttar Zettle som betalingsløysing i kioskane. Trykk inn på ipaden dei varene som det skal betalast for, vel så betalingsmåte – VIPPS, bankkort eller kontantar.
- Kjem det folk på vakt etter deg, så vil dei vere på opplæring ein halvtime før du går.
- Veldig viktig at siste vakt fredag og laurdag tek seg tid til å gjere kiosken i stand til neste dag. Siste del av vakta på sundag skal nyttast til fullstendig nedrigg av kiosken.
Ca. dugnadstimar: 5,5 timar
Overnatting - Nattevakt
På kvar overnattingsstad skal det vera våken nattevakt. Antal vakter avhenger av antal overnattande. Ansvaret ditt er sikkerheita til dei overnattande gjennom natta. Kvar nattevakt får opplæring av skule-ansvarleg/overnattingsansvarleg på staden før vakta startar. Alle som skal vera nattevakt må vera over 18 år.
Ca dugnadstimar: 10 timar
Overnatting - Dagvakt
Dagvakt på overnattingsstadane har ansvaret på dagtid. Som dagvakt skal ein ha kontroll på kva personar som er på overnattingsstaden, vere tilgjengeleg for overnattande om dei lurar på noko, og halde orden i form av å koste/moppe, rydde og tømme bos. Ansvarleg på overnattingsstaden eller dei som har vore på vakt før, vil gje opplæring og informasjon før vakta startar.
Ca dugnadstimar: 6,5 timar
Sanitet
Som sanitetspersonell er du med på å skape tryggleik for små og store under cupen. Det er 2 sanitetstelt – eit ved Olabanen og eit ved Utescena på Prestegardslandet. Desse er bemanna heile helga medan kampane pågår. Me tilstrebar at det alltid skal vera ein lege på kvar vakt. Kvalifikasjonar for å ha dugnadsvakt på sanitet er lege, sjukepleiar evt. anna helsefagleg utdanning. Instruksar og anna info vert sendt ut på førehand.
Ca.dugnadstimar: 5 timar
Speaker
Som speaker er oppgåva å snakke og gje beskjedar på høgtalarsystemet på Voss Cup. Ein spelar av reklamesnuttar for sponsorar, les opp frå eit manuskript og gir ut beskjedar som kjem inn i frå andre avdelingar. Ein ynskjer at dei som tek på seg speakervakt, kan stille to vakter.
Ca. dugnadstimar: 3 - 4 timar
Trafikk og parkering
Som trafikkvakt hjelper du til å dirigera bilar til oppsett parkering, og passa på at ingen køyrer inn på det avstengde områder. Alle som skal vere på trafikkk og parkering møter på Hestavangen (nedanfor Nain), der ein får tildelt oppgåve og område av ansvarleg på avdelinga.
Ca. dugnadstimar: 6 timar
Riggavdeling - Banar
Me ynskjer at dei som tek på seg vakt på riggavdeling - banar kan stille både på opprigg torsdag, og nedrigg søndag ettermiddag. På riggavdeling - banar er hovudoppgåva rigging av banane. Grøn Etat merkar, og måla vil bli plassert i nærleiken av baneområdet i forkant av rigginga. Det betyr at mesteparten av jobben er på sjølve området. Avdelingsleiar vil fordele mannskap, og følgje opp både i opprigg og nedrigg.
Ca. dugandstimar: 4-6 timar
Riggavdeling - Sjauar
Sjauarane må ikkje vera redd for å ta i eit tak. Sjauarane vert i hovudsak fordelt på dei ulike avdelingane, og skal sørgje for at alt av utstyr kjem på plass og vert satt opp. Kvar enkelt avdelingsleiar styrer sine sjauarar.
Ca. dugnadstimar: 4-6 timar
Riggavdeling - Telt
Dei aller fleste telta skal opp onsdag, og ned igjen søndag. Avdelingsleiar på telt fordeler ulike oppgåver - på dei største telta nyttar ein heile vakta på eit telt, medan andre grupper sett opp fleire mindre telt i løpet av ei vakt. Delvis fysisk arbeid.
Ca. dugnadstimar: 4-6 timar
Riggavdeling - Transport
På transport er hovudoppgåva å transportere utstyr som dei ulike avdelingane har behov for. Fordel om ein kan stilla med hengar eller stor bil.
Ca. dugnadstimar: 4-6 timar